ڈسٹرکٹ انفارمیشن سنٹر (ڈی آئی سی) بانڈی پورہ نے ضلع بھر میں بیداری مہم کا آغاز کیا ہے تاکہ عوام کو کورونا وائرس سے متعلق احتیاطی تدابیر سے آگاہ کیا جا سکے۔
ڈسٹرکٹ انفارمیشن آفیسر بانڈی پورہ نے بتایا کہ قصبے میں ایک ماہ کے وقفے کے بعد مثبت معاملات میں تیزی سے اضافے کے بعد محکمہ نے عوام کو اس وبا سے بچنے کے لئے آگاہی مہم کا آغاز کیا۔
محکمہ کی جانب سے ریڈ زون اور بفر زون پر خصوصی توجہ کے ساتھ ضلع بھر میں آگاہی مہم شروع کی گئی ہے۔
آگاہی مہم کے دوران عوام کو کورونا وائرس کے پھیلاؤ کو روکنے کے لیے احتیاطی تدابیر کے بارے میں آگاہ کیا گیا وہیں ان سے گھروں کے اندر ہی رہنے کی اپیل کرتے ہوئے غیر ضروری طور گھروں سے باہر نہ نکلنے کی تلقین کی گئی۔
انہوں نے مزید کہا کہ یہ مہم ایک مستقل عمل ہے اس سلسلے میں محکمہ کی ٹیمیں دور دراز دیہات کا دورہ کر رہی ہیں جہاں لوگوں کو کوویڈ 19 کے حوالے سے سماجی فاصلے برقرار رکھنے کے علاوہ دیگر احتیاطی تدابیر سے متعلق معلومات فراہم کی جا رہی ہیں۔