بانڈی پورہ: دریائے جہلم سے سرکٹی لاش بر آمد

شمالی کشمیر کے ضلع بانڈی پورہ کے سمبل سوناواری علاقے میں دریائے جہلم سے ایک لاش برآمد کی گئی جس کا سر اور ٹانگیں کٹی ہوئی تھیں۔

ہفتے کی صبح سمبل سوناواری کے دریائے جہلم میں ایک لاش پائی گئی جس کے بعد پولیس نے جائے وقوع پر پہنچ کر لاش کو برآمد کیا اور اسے سمبل اسپتال پوسٹ مارٹم و دیگر ضروری لوازمات کے لئے روانہ کیا -

اطلاعات کے مطابق، لاش بغیر سر اور ٹانگوں کے پائی گئی جس کو دیکھ کر پورے علاقے میں سنسنی پھیل گئی، ادھر پولیس اسٹیشن سمبل نے اس معاملے کی تحقیقات شروع کی ہے اور اس حوالے سے ایک کیس درج کیا ہے-

پولیس نے لاش کی پوسٹ ماٹم اور دیگر لوازمات کے لیے سمبل اسپتال لاش کو روانہ کیا- لاش کی شناخت ہونا مشکل ہے کیونکہ لاش بغیر سر اور ٹانگوں کے پائی گئی ہے -

ایک پولیس اہلکار نے اس بات کی تصدیق کرتے ہوئے بتایا کہ ''لاش کو سمبل سوناواری کے دریائے جہلم سے برآمد کیا گیا ہے اور مزید لوازمات کے لیے اس وقت سمبل اسپتال میں رکھی گئی ہے۔''