ڈپٹی کمشنر بانڈی پورہ رویندر کمار نے جمعرات کے روز کہا کہ ضلع میں کاہ چرائی اور سرکاری اراضی پر غیر قانونی تجاوزات کرنے والے افراد کے خلاف سخت کارروائی کی جائے گی۔
ضلع ترقیاتی کمشنر نے ریونیو افسران سے کہا ہے کہ جلد پاس زمین کو دوبارہ حاصل کیا جائے۔ رویندر کمار نے آج ولر جھیل کے قرب و جوار کے علاقوں کا دورہ کر کے وہاں کی صورتحال کا جائزہ لیا۔
اس موقع پر اسسٹنٹ کمشنر ریونیو ریاض احمد بیگ، تحصیلدار بانڈی پورہ روف اقبال اور ضلع کے دیگر اعلی افسران بھی ان کے ہمراہ تھے۔
کمار نے افسران کو ہدایت کی کہ وہ غیر قانونی تجاوزات کے خلاف سخت کارروائی کریں اور جلد سے جلد زمین پر قبضہ کریں۔ انہوں نے کہا کہ ان افراد کے خلاف سخت کارروائی کا آغاز کیا جائے گا جنہوں نے سرکاری اراضی پر تجاوزات کرکے جاری لاک ڈاؤن کا فائدہ اٹھانے کی کوشش کی۔
انہوں نے بتایا کہ مختلف مقامات پر تجاوزات کی نشاندہی کرنے کے لیے افسران کو پہلے ہی ہدایت کی جاچکی ہے اور زمین کو دوبارہ حاصل کرنے کا عمل پہلے ہی شروع کردیا گیا ہے۔
