Block Diwas in Bandipora : بانڈی پورہ کے ارن علاقے میں بلاک دیوس کا انعقاد

بلاک دیوس (Block Diwas) کے موقع پر پلانٹیشن ڈرائیو کا بھی اہتمام کیا گیا۔ اس حوالے سے ڈی ایف او سوشل فارسٹری نے بتایا کہ ضلع میں نومبر سے مارچ 2022 تک چار لاکھ پودے نصب کیے جانے کا منصوبہ ہے۔

ضلع بانڈی پورہ کے ارن علاقے میں بلاک دیوس (Block Diwas) کا انعقاد عمل میں لایا گیا جس میں ڈی سی بانڈی پورہ سمیت مختلف محکمہ جات کے افسران نے شرکت کی۔

بلاک دیوس (Block Diwas) کے موقع پر ضلع کے ارن علاقے کے علاوہ شمار، کڈارہ، سریندر، سمیت مختلف علاقوں سے آئے وفود اور پنچوں، سرپنچوں نے شرکت کی۔

عوامی وفود سمیت منتخب عوامی نمائندوں نے اپنے اپنے علاقوں میں درپیش مسائل سے ڈی سی بانڈی پورہ کو آگاہ کیا۔ جن میں سڑکوں اور اسکولوں کی حالت زار، پانی اور بجلی کی عدم دستیابی سمیت رکے پڑے ترقیاتی کام شامل ہیں۔

ضلع ترقیاتی کمشنر بانڈی پورہ نے وفود کو یقین دلایا کہ سبھی اہم مسائل اور رکے پڑے ترقیاتی کاموں کو بہت جلد مکمل کیا جائے گا۔

دریں اثناء، بلاک دیوس کے موقع پر پلانٹیشن ڈرائیو کا بھی اہتمام کیا گیا۔ اس حوالے سے ڈی ایف او سوشل فارسٹری نے بتایا کہ ضلع میں نومبر سے مارچ 2022 تک چار لاکھ پودے نصب کیے جانے کا منصوبہ ہے۔