قرنطینہ مرکز میں بنیادی سہولیات کا فقدان

شمالی کشمیر کے ضلع بانڈی پورہ کے سمبل سونا واری میں انتظامیہ کے قرنطینہ مرکز میں موجود کووڈ 19 کے مشتبہ مریضوں کا کہنا ہے کہ 'انہیں وہاں پر مناسب سہولیات فراہم نہیں کی جا رہی ہیں۔'

سونا واری میں سمبل ہائر اسکینڈری اور شادی پورہ سونا واری کے انڈور اسٹیڈیم میں موجود مشتبہ مریضوں نے شکایت کی ہے کہ انہیں قرنطینہ سینٹر میں رکھا گیا ہے لیکن جو سہولیات وہاں ہونی چاہئے، وہ انہیں فراہم نہیں کی جارہی ہے۔

انہوں نے شکایت کی ہے کہ کھانے پینے کے علاوہ دیگر سہولیات کا فقدان ہے۔ کئی مریضوں کا کہنا تھا کہ ان دنوں جبکہ ماہ رمضان کا بابرکت مہینہ چل رہا ہے تو انتظامیہ کو سہولیات مزید بہتر طریقے سے فراہم کرنی چاہیے لیکن معاملہ اس کے برعکس دیکھنے کو مل رہا ہے۔

انہوں نے مطالبہ کیا کہ انہیں اس ماہ میں بہتر طریقے سے سہولیات کی فراہمی کو یقینی بنایا جائے-

ادھر اس سلسلے میں جب ای ٹی وی بھارت نے متعلقہ نوڈل آفیسر سید شاہنواز بخاری سے رابطہ کیا تو انہوں نے کہا کہ ہمارے پاس جو بہتر سے بہتر سہولیات مہیا ہیں ہم وہ ان تک پہنچانے کی کوشش کررہے ہیں لیکن کہیں پہ وہ بھی مجبور ہیں اگر کہیں پر کوئی کمزوری رہ جاتی ہے تو مریضوں کو بھی وہاں پر تعاون کرنے کی ضرورت ہے۔