سرائے ڈانگرپورہ، بانڈی پورہ:شمالی کشمیر کے ضلع بانڈی پورہ کے سرائے ڈانگرپورہ سوناواری میں متعدد کوکون(ریشم) بنانے والے کسانوں کا ماننا ہے کہ محکمہ سری کلچر کی جانب سے گزشتہ چار سالوں سے انہیں جو ریشم کے کیڑے فراہم کیے جارہے ہیں وہ ریشم کے گچھے تیار کرنے سے پہلے ہی مر جاتے ہیں۔ انہوں نے محکمہ سری کلچر پر الزامات عائد کرتے ہوئے کہا کہ گزشتہ چار سال سے محکمہ انہیں کسی بھی طرح کا کوئی فائدہ نہیں پہنچا رہا ہے بلکہ وہ فائدہ کے بجائے نقصان سے دوچار ہورہے ہیں۔ Cocoon Making Failure in Sarai Dangerpora Bandipora
انہوں نے بتایا کہ گزشتہ کئی سالوں کی طرح اس سال بھی انہوں نے اس کام میں نہ صرف اپنا وقت صرف کیا بلکہ عرق ریزی سے اس کام میں محنت کی تاکہ وہ کچھ منافع کما سکیں، تاہم منافع کمانا تو دور کی بات ہے وہ نقصان سے ہی دوچار ہوگئے۔ انہوں نے متعلقہ محکمہ کے اعلیٰ افسران سے اس میں کارروائی کرنے کا مطالبہ کیا ہے۔ ساتھ ہی انہیں اس کے بدلے معاوضے دیے جانے کی بھی اپیل کی ہے۔