بانڈی پورہ: چنار پریمیر لیگ اختتام پزیر

حاجن کی ٹیم نےحیرت انگیز دو گول داغے اور وانگی پورہ پر برتری حاصل کرلی۔ ٹیم نے دوسرے ہاف میں چنار فٹبال پریمیر لیگ کا ٹائٹل اپنے نام کرلیا اور ونگی پورہ ٹیم کو 4-1 سے شکست دی-

شمالی کشمیر کے ضلع بانڈی پورہ کے حاجن علاقے میں چنار فُٹبال کپ اختتام پزیر ہوا- تحصیل حاجن سوناواری کے وِجپارہ علاقے میں ایک ہفتے سے جاری فٹ بال ٹورنامنٹ "چنار فٹبال پریمیر لیگ" کا فائنل میچ آج کھیلا گیا اور اس کے ساتھ ٹورنامنٹ اختتام کو پہنچا۔

فوج کی 13 راشٹریہ رائفلز کی جانب سے منعقد کئے گئے اس ٹورنامنٹ میں بانڈی پورہ، گاندربل اور بارہمولہ اضلاع کی سولہ ٹیموں نے حصہ لیا۔ تاہم فائنل مقابلے میں ونگی پورہ ٹیم اور وہاب فٹبال کلب حاجن پہنچی اور دونوں نے فائنل مقابلے کے لئے کافی محنت اور لگن کے ساتھ کھیلنے کی کوشش کی-

فائنل میچ میں ابتدائی طور پر حاجن ٹیم نے کھیل کے 10 ویں منٹ میں ایک گول اسکور کرکے برتری حاصل کرلی تاہم ونگی پورہ کی ٹیم نے فوری طور پر اسکور برابر کردیا لیکن پہلے ہاف کے اختتام سے قبل ہی حاجن کی ٹیم نےدو حیرت انگیز گول داغے اور وانگی پورہ پر برتری حاصل کرلی۔ ٹیم نے دوسرے ہاف میں چنار فٹبال پریمیر لیگ کا ٹائٹل اپنے نام کردیا اور ونگی پورہ ٹیم کو 4-1 سے شکست دی-نوجوانوں نے فٹ بال ٹورنامنٹ کے انعقاد کے لئے فوج کے اس اقدام کی کافی سراہنا کی- کئی فٹبال کھلاڑیوں کا کہنا تھا کہ فوج نے نوجوانوں کو اپنی صلاحیتوں کو ظاہر کرنے کا ایک بہترین موقع فراہم کیا ہے۔