BSF special director visits LoC بی ایس ایف کے اسپیشل ڈائریکٹر جنرل کا دورہ ایل او سی

بی ایس ایف کشمیر نے جمعہ کے روز اہنے ایک ٹویٹ میں کہا کہ'بی ایس ایف (مغربی کمان) کے اسپیشل ڈائریکٹر جنرل وائی بی کھورانیہ نے ایل او سی پر آپریشنل تیاریوں کا جائزہ لینے کے لئے گریز کے اگلے علاقوں کا دورہ کیا۔'

بانڈی پورہ:بارڈر سیکورٹی فورس (مغربی کمان) کے اسپیشل ڈائریکٹر جنرل وائی بی کھورانیہ نے جمعہ کے روز لائن آف کنٹرول (ایل او سی) پر آپریشنل تیاریوں کا جائزہ لینے کے لئے گریز کے اگلے علاقوں کا دورہ کیا۔انہوں نے اس دوران وہاں تعینات جوانوں کے ساتھ بات چیت کی اور مشکل حالات میں ان کی بہترین کار کردگی کی سراہنا کی۔

بی ایس ایف کشمیر نے جمعہ کو ٹویٹ کرکے کہا کہ'بی ایس ایف (مغربی کمان) کے اسپیشل ڈائریکٹر جنرل وائی بی کھورانیہ نے ایل او سی پر آپریشنل تیاریوں کا جائزہ لینے کے لئے گریز کے اگلے علاقوں کا دورہ کیا'۔ٹویٹ میں کہا گیا کہ 'ایس ڈی جی نے وہاں تعینات جوانوں کے ساتھ بات چیت کی اور مشکل حالات میں ان کی بہترین کار کردگی کی سراہنا کی۔

واضح رہے کہ کچھ روز قبل فوجی سربراہ جنرل منوج پانڈے نے جموں وکشمیر میں لائن آف کنٹرول کے اگلے علاقوں کا دورہ کیا اور وہاں پر فوج کے سینئر آفیسران کے ساتھ گفت وشنید کی۔ اس دوران فوجی سربراہ نے سرحد پر تعینات جوانوں کو بتایا کہ امن دشن عناصر کے منصوبوں کو ناکام بنانے کی خاطر سرحد پر مزید چوکسی برتنے کی ضرورت ہے۔

( یو این آئی مشمولات کے ساتھ)