Youth Deprived of Playground بانڈی پورہ کے مضافتی علاقہ کے نوجوان کھیل کے میدان سے محروم

ضلع بانڈی پورہ کے گورئی حاجن علاقہ کے نوجوان کرکٹ کھیلنے کے بے حد شوقین ہیں۔ تاہم کھیل کا میدان نہ ہونے کی وجہ سے یہ نوجوان یا تو سڑک پر کھیلنے کے لئے مجبور ہیں یا پھر دور دراز کے علاقوں میں جاکر اپنا شوق پورا کرنے کی کوشش کر رہے ہیں۔

بانڈی پورہ:مرکز کے زیر انتظام خطہ جموں و کشمیر کے ضلع بانڈی پورہ کے گورئی حاجن کے مقامی نوجوان کھیل کا میدان مکمل نہ ہونے سے مایوس ہیں۔ مذکورہ علاقہ میں موجود میدان ہنوز پایہ تکمیل کو نہیں پہنچا ہے۔ گورئی حاجن چٹھے بانڈے کا آخری علاقہ ہے۔یہاں کے نوجوان کرکٹ کھیلنے کے بے حد شوقین ہیں۔ تاہم کھیل کا میدان نہ ہونے کی وجہ سے یہ نوجوان یا تو سڑک پر کھیلنے کے لئے مجبور ہیں یا پھر دور دراز کے علاقوں میں جاکر اپنا شوق پورا کرنے کی کوشش کر رہے ہیں۔سات وارڈوں اور تقریباً چھ ہزار کی آبادی پر مشتمل اس پورےعلاقے کے لئے اگرچہ چار سال قبل PRI گرانٹس سے ایک کھیل کا میدان تعمیر کرنے کی شروعات کی گئی تھی لیکن اسے آج تک مکمل نہیں کیا گیا ہے۔

مقامی نوجوانوں کا کہنا ہے کہ ان کے پاس ٹیلنٹ کے اظہار یا شوق کے مظاہرہ کے لئے میدان دستیاب نہیں ہے،اس وجہ سے وہ کرکٹ کھیلنے سے محروم ہیں۔ انہوں نے کہا کہ جب کھیلو انڈیا یا دیگر اسکیموں اور پالسیوں کے زریعہ حکومت کھیل کود کو بڑھاوا دینے کا دعوی کرکے ہر علاقے تک پہنچنے کی کوشش کر رہی ہے تاہم گورئی حاجن کی آبادی کو میدان سے محروم رکھا گیا ہے،جو یہاں کے نوجوانوں اور بچوں کے ساتھ سراسر نا انصافی ہے۔

انہوں نے کہا کہ یہاں کے نوجوان اور بچے اکثر بلا اور گیند لیکر گھر سے تو نکلتے ہیں تاکہ اپنے شوق اور ٹیلنٹ کا مظاہرہ نہیں کرپاتے ہیں۔ تاہم اس وقت انہیں مایوسی ہوتی ہے جب کھیلنے کے لئے ان کے میدان تک میسر نہیں ہوتا ہے۔ انہوں انتظامیہ سے اپیل کرتے ہوئے کہا کہ اگر ڈھائی لاکھ روپے خرچ کئے گئے پھر کیوں کر اس کام کو پائے تکمیل تک نہیں پہنچایا گیا۔ یہ سوالات جب مقامی سرپنچ کے سامنے رکھے گئے تو انہوں نے یقین دلایا کہ کو بہت جلد مکمل کرکے اسے کھیل کے قابل بنایا جائے گا۔