لاپتہ نوجوان کو پاک رینجرس نے بھارتی حکام کے حوالہ کیا

سرحدی علاقہ گریز سے تعلق رکھنے والے لاپتہ نوجوان کو پاکستانی رینجرز نے بھارتی حکام کے حوالہ کر دیا۔

گزشتہ سات ماہ سے لاپتہ ضلع بانڈی پورہ کے سرحدی قصبہ گریز سے تعلق رکھنے والے سترہ سالہ نوجوان کو پاکستانی رینجرز نے بھارتی حکام کے حوالہ کر دیا۔

ذرائع کے مطابق گریز کے تاربل علاقے سے تعلق رکھنے والے سترہ سالہ نوجوان محمد سعید گنائی ولد غلام محمد گنائی گزشتہ برس ماہ ستمبر میں اپنے آبائی علاقے سے اچانک لاپتہ ہو گیا تھا۔

سات مہینے بعد نوجوان کو آج پاکستانی رینجرز نے کیرن کے ٹیٹوال سیکٹر کے کراسنگ پوائنٹ /کراسنگ پل پر بھارتی فوج کے حوالے کیا۔

اس موقع پر دونوں ممالک سے تعلق رکھنے والے کئی آرمی افسران، اسٹیشن ہاوس آفیسر کرناہ اور ڈی او ٹیٹوال بھی موجود تھے۔