سرحدی قصبہ گریز کو ضلع بانڈی پورہ سے جوڑنے والی شاہراہ حالیہ دنوں ہوئی برفباری کی وجہ سے ٹریفک کی نقل و حمل کے لئے مسلسل بند ہے، تاہم انتظامیہ نے سڑک پر برف ہٹانے کا عمل تیز کردیا ہے تاکہ گریز وادی کو بانڈی پورہ سے ملانی والی سڑک Gurez - Bandipora Highwayٹریفک کے لئے جلد سے جلد بحال ہو سکے۔
گریز - بانڈی پورہ شاہراہ پر برف ہٹانے کا کام جاری
خیال رہے کہ گریز اور تلیل علاقوں میں سردیوں کے ایام میں بھاری برفباری ہوتی ہیں جسکی وجہ سے ان علاقوں کا زمینی رابطہ بانڈی پورہ سمیت کشمیر وادی سے منقطع ہو جاتا ہے۔ اس کے علاوہ برفباری کے سبب بعض اوقات تلیل اور گریز کے درمیان رابطہ بھی منقطع ہو جاتا ہے جس کی وجہ سے لوگوں کو کافی دقتوں کا سامنا کرنا پڑتا ہےْ