بانڈی پورہ: گریز پریمئر کرکٹ لیگ اختتام پذیر

جموں و کشمیر کے ضلع بانڈی پورہ میں سرحدی علاقہ گریز میں ہفتہ کو گریز پریمیر لیگ کا فائنل میچ کھیلا گیا۔

ضلع بانڈی پورہ کے سرحدی علاقہ گریز میں ہفتہ کو گریز پریمیر لیگ کرکٹ ٹورنامنٹ کا فائنل میچ کھیلا گیا۔

فائنل مقابلے میں داور رائل چلنجرس اور وانپورہ پیسرز کی ٹیمیں آمنے سامنے تھیں۔ ہفتے کو کھیلے گئے فائنل مقابلے میں وانپورہ پیسرز نے مقررہ پندرہ اوورس میں پچانوے رن اسکور کئے جسے داور رائل چلنجرس نے بہ آسانی دسویں اوور میں محض تین وکٹوں کے نقصان پر حاصل کیا۔

اس موقعے پر آرمی اور پولیس افسران نے ٹورنامنٹ میں بہترین کارکردگی کا مظاہرہ کرنے والے کھلاڑیوں میں انعامات تقسیم کئے۔

گریز کے مختلف دیہات سے آئے ہوئے سینکڑوں کی تعداد میں شائقین میچ سے لطف اندوز ہوئے۔

یہ پرئمیر لیگ فوج کی داور بٹالین نے ایک سو نو انفیینٹری گریز کے تعاون سے آرگنائز کیا تھا۔ حبہ خاتون اسپورٹس اسٹیڈیم داور میں منعقد کئے گئے اس ٹورنامنٹ میں کل بارہ ٹیموں نے شرکت کی۔