باںڈی پورہ: لیجینڈری ایتھلیٹ ملکھا سنگھ کی یاد میں ریس مقابلے کا انعقاد

ریس میں شریک طالب علموں کو انڈر 17 اور انڈر 14 گروپس میں شامل کیا گیا تھا. یہ ریس صبح 7:30 پر باپورہ علاقے سے شروع ہوئی.

لیجینڈری ایتھلیٹ ملکھا سنگھ کی یاد میں محکمہ یوتھ سروسز اینڈ اسپورٹس کی جانب سے آج ایک ریس مقابلہ کا اہتمام کیا گیا۔ میراتھن رن فار یونیٹی کے نام سے اس ریس مقابلے میں زون بانڈی پورہ سے تعلق رکھنے والے طالب علموں نے شرکت کی۔ جن میں ایک بڑی تعداد خواتین طلبہ کی بھی تھی۔

ریس میں شریک طالب علموں کو انڈر 17 اور انڈر 14 گروپس میں شامل کیا گیا تھا. یہ ریس صبح 7:30 پر باپورہ علاقے سے شروع ہوئی. جہاں فوج کی 14 آر آر بٹالیئن کے میجر جموال اور یوتھ سروسز اینڈ اسپورٹس کےضلع آفیسر غلام قادر نے ہری جھنڈی دکھا کر ریس شروع کی۔

ریس میں شرکاء نے تین کلو میٹر کی مسافت طے کی اور گورنمنٹ مِڈل اسکول گامرو میں ریس اختتام ہوئی۔ اس موقعے پر مقابلے میں شریک نوجوانوں نے کافی مسرت کا اظہار کرتے کہا کہ ملک کے لیجینڈری ایتھلیٹ ملکھا سنگھ کی خدمات کو یاد کرنے کا یہ ایک بہترین طریقہ ہے۔

وہیں ضلع افسر نے کہا کہ 'ہم نے کراس کنٹری ریس کا اہتما کیا ہے۔ ہمارا مقصد ہے کہ ہم زیادہ سے زیادہ بچوں کو ریس مقابلے میں شامل کریں اور یہ کوشش آئندہ بھی جاری رہے گی'۔