بانڈی پورہ: خاتوں کی موت کے بعد سسرال کے خلاف احتجاج

سسرال کا کہنا ہے خاتون نے خود کشی کر کے اپنی زندگی کا خاتمہ کیا ہے۔ تاہم خاتون کے بھائی فیروز احمد کا کہنا ہے کہ ان کی بہن کا قتل کیا گیا ہے۔

بانڈی پورہ میں آج سینکڑوں افراد نے پنزی گام سے بانڈی پورہ مین چوک تک پر زور احتجاج کیا۔ دراصل کچھ روز قبل ہنزی گام سے تعلق رکھنے والی ایک خاتون کی سسرال میں مشتبہ حالت میں موت ہوئی تھی۔ جس کے بعد خاتون کے گھر والوں نے سسرال پر قتل کا الزام عائد کیا ہے۔

وہیں، سسرال والوں کا کہنا ہے خاتون نے خود کشی کر کے اپنی زندگی کا خاتمہ کیا ہے۔ تاہم خاتون کے بھائی فیروز احمد کا کہنا ہے 'میری بہن کا قتل کیا گیا ہے اور اس کی موت کو خودکشی قرار دینے کی کوشش کی جارہی ہے'۔

انہوں نے الزام عائد کیا ہے 'سسرال والے کئی برسوں سے مختلف طریقوں سے میری بہن کو ستارہے تھے. ایک بار انہوں نے مکان کے لیے بھی بولا تھا، جس کے بعد ہم نے اپنی زمین بیچ کر 50 لاکھ روپے اکٹھے کیے تھے، لیکن مکان کی قیمت زیادہ ہونے کی وجہ سے خرید نہیں پائے'۔

واضح رہے کہ پولیس نے مرحومہ کے شوہر اور اس کے سسر کو حراست میں لے لیا ہے اور تحقیقات جاری ہے۔