نوجوانوں کے ساتھ تعلقات کو بہتر بنانے کے لئے بانڈی پورہ پولیس نے ضلع بھر میں پولیس-یوتھ میٹنگز کا آغاز کیا ہے۔
اس مہم کے تحت اپنے اپنے علاقوں کے پولیس افسران روزانہ مختلف دیہات کے نوجوانوں اور طلباء کے ساتھ ملاقات کریں گے اور ہر ممکن تعاون اور رہنمائی فراہم کریں گے۔
جمعرات کو بانڈی پورہ قصبے سمیت پیٹھکوٹ، گریز، سمبل اور نوگام علاقوں میں پولیس - یوتھ میٹنگز کی گئیں۔
میٹنگز میں شرکاء کو کھیلوں، ہنر مندوں کی تلاش، تخلیقی صلاحیتوں، کیریئر اور معاشرتی تبدیلی میں اپنا رول ادا کرنے کے لئے متحرک ہونے سے متعلق صلاح و مشورے دیے گئے۔
پولیس کے مطابق اس طرح کی میٹنگز مستقبل میں بھی جاری رکھی جائیں گی۔
