بانڈی پورہ میں 5 قمار باز گرفتار

ضلع بانڈی پورہ میں پولیس نے چھاپے کے دوران پانچ قمار بازوں کو داؤ پر لگائی گئی رقم سمیت گرفتار کرنے کا دعویٰ کیا ہے۔

بانڈی پورہ پولیس نے سماجی برائیوں کے خلاف کارروائی جاری رکھتے ہوئے ایک مخصوص اطلاع پر ضلع کے تہرگام، شادی پورہ میں قمار بازی کے اڈے پر چھاپہ مار کر پانچ قمار بازوں کو گرفتار کرلیا۔

پولیس کے مطابق چھاپے میں 5 قمار بازوں کو دائو پر لگائی گئی رقم اور تاش کے پتوں سمیت گرفتار کرلیا گیا ہے۔ گرفتار کیے گئے افراد کی شناخت ریاض احمد ڈگہ، مختار احمد میر، ساکنان شادی پورہ، عارف احمد بٹ، اظہر محمود بٹ اور فیاض احمد وگے ساکنان تہرگام کے طور پر کی گئی ہے۔

پولیس نے مزید بتایا کہ دائو پر لگائی گئی رقم 7,230 روپیے اور تاش کے پتے بھی جائے وقوع سے برآمد ہوئے۔ اس ضمن میں پولیس اسٹیشن سمبل میں ایک ایف آئی آر 93/2021 درج کرکے مزید کارروائی شروع کردی گئی ہے۔