سمبل قصبہ کے اندرکوٹ میں ایک زیارت شریف کی تعمیر کے علاوہ ایک سپورٹس گراؤنڈ کی تعمیر کا کام باقاعدہ شروع کیا گیا۔ سمبل میونسپل کمیٹی کے صدر جہانگیر احمد نے ان ترقیاتی کاموں کا سنگ بنیاد رکھا اور اس دوران باقاعدہ سے ان پر کام بھی شروع کیا گیا۔
میونسپل کمیٹی سمبل کی جانب سے کئی ترقیاتی پروجیکٹس کا آغاز
اس موقع پر میونسپل کمیٹی سمبل Municipal Committee Sumbalکے کئی عہدیداران کے علاوہ مقامی لوگ بھی موجود تھے۔
قابل ذکر ہے کہ مقامی لوگوں کی یہ دیرینہ مانگ تھی کہ علاقے میں معروف زیارت سلطان پادشاہ کی تعمیر و مرمت کی جائے اور اس کے علاوہ نوجوانوں کے لئے یہاں سپورٹس گراؤنڈ کا مطالبہ بھی کیا جا رہا تھا جس کے بعد میونسپل کمیٹی سمبل نے ضلع انتظامیہ کے ساتھ ان مطالبات پر بات چیت کی۔