سمبل سے لاپتہ لڑکا نو ماہ بعد دہلی میں ملا

شمالی کشمیر کے ضلع بانڈی پورہ سے لاپتہ ہونے والے کمسن لڑکے کو 9 ماہ بعد پولیس نے دہلی سے برآمد کیا ہے۔

پولیس نے بتایا کہ سمبل سوناواری کے رکھ عشم سے تعلق رکھنے والا ایک کمسن لڑکا جو 9 ماہ قبل لاپتہ ہوا تھا، کو دہلی میں پایا گیا۔

پولیس کے مطابق رشید شیخ نام کا نابالغ لڑکا جو کوندبل مانسبل کا رہائشی ہے اور حال میں رکھ عشم سوناواری میں رہتا ہے، 20 ستمبر 2020 سے اپنے آبائی گھر سے لاپتہ تھا تاہم نو مہینے بعد اسے پولیس نے نئی دہلی میں کھوج لیا ہے۔

دوسری جانب بانڈی پورہ پولیس نے قانونی کارروائی کے بعد کمسن لڑکے کو سمبل پولیس تھانے میں اس کے اہل خانہ کے حوالے کردیا گیا جس پر مذکورہ بچے کے اہل خانہ بانڈی پورہ پولیس کی کوشش کی سراہنا کی ہے اور ان کا شکریہ ادا کیا۔