حاجن میں کمسن لڑکا دریائے جہلم میں ڈوب گیا

اس سے قبل آج ہی بانڈہ پورہ کے حاجن علاقہ بنجر محلہ میں بھی دریا جہلم میں پھسلنے کے بعد ایک عمر رسیدہ شخص کی موت ہوگئی تھی-

شمالی کشمیر کے بانڈی پورہ ضلع کے حاجن زونی پورہ کے عشم گاؤں میں جمعرات کے روز ایک آٹھ سالہ بچہ دریائے جہلم میں ڈوب گیا۔

ایک عہدیدار نے بتایا کہ کمسن بچہ اس وقت ڈوب گیا جب وہ دریائے جہلم میں نہا رہا تھا۔ ڈوبے ہوئے لڑکے کی لاش کو برآمد کرنے کے لیے سرچ آپریشن شروع کیا گیا۔

عہدیدارنے لڑکے کی شناخت سجاد شبیر شیخ ولد شبیر احمد شیخ ساکن زونی پورہ عشم کے نام سے کی- آخری اطلاع ملنے تک ریسکیو آپریشن جاری تھا۔

اس سے قبل آج ہی ضلع کے حاجن علاقہ بنجر محلہ میں بھی دریا جہلم میں پھسلنے کے بعد ایک معمر شخص کی موت ہوگئی تھی-

ایک عہدیدار نے بتایا کہ غلام محمد دانو ولد عبد الرحمن ڈانو ساکن حاجن دریا میں پھسلنے کے بعد اس وقت فوت ہوگئے جب وہ دریا کے کنارے وضو کر رہے تھے۔