بانڈی پورہ: نقل مکانی کرنے والے افراد کا سروے شروع

ضلع انتظامیہ بانڈی پورہ نے قبائلی اشخاص کے سروے کا عمل شروع کیا ہے، جو نقل مکانی کرچکے ہیں۔ اس حوالے سے ضلع ترقیاتی کمشنر بانڈی پورہ ڈاکٹر اویس احمد نے تفصیلات فراہم کرتے ہوئے کہا کہ سروے کا عمل انجام دینے کے لئے بارہ ٹیموں کو ٹریننگ دی جا چکی ہے۔

سروے کا عمل انجام دینے کے لئے بارہ ٹیمیں ایسے مقامات کا سروے کریں گی جہاں پر بڑے پیمانے پر اشخاص کی نقل مکانی ہوچکی ہے۔ اس کے علاوہ پینتیس مزید ایسی جگہیں ہیں جہاں یہ عمل نسبتاً کم ہوا ہے۔

انہوں نے کہا کہ یہ سروے یا گنتی مکمل ہونے کے بعد ایسے اشخاص کو اسمارٹ کارڈ فراہم کرنے میں آسانی پیدا ہوگی، جو اس طبقے کی تعمیر و ترقی میں مددگار ثابت ہوگا۔

اس سے پہلے جوائنٹ ڈائریکٹر پلاننگ امتیاز احمد نے سروے کے لئے منتخب کی گئی ٹیمیں جن میں بی ڈی اوز، ریوینیو محکمے کے افسران اور دیگر ملازمین کے ساتھ مشاورتی میٹنگ کی۔ اس عمل کے لئے ٹرائبل افیئرس محکمے نے ہر ممکن تعاون پیش کیا ہے۔