بانڈی پورہ: موت کے بعد کورونا رپورٹ مثبت

ضلع بانڈی پورہ میں آج 80 سالہ ایک شخص کی موت ہوئی، ہلاکت کے بعد ان کی کورونا رپورٹ مثبت پائی گئی۔

تفصیلات کے مطابق ضلع کے پاپچھن علاقے سے تعلق رکھنے والے ایک شخص کی حرکت قلب بند ہوگئی۔ انہیں فوری طور پر ہسپتال منتقل کیا گیا جہاں وہ دم توڑ بیٹھا۔

ہسپتال انتظامیہ نے بتایا کہ ان کا کورونا ٹیسٹ کیا گیا جو کہ پازیٹیو پایا گیا ہے۔ ان کی ہلاکت کے ساتھ ہی ضلع میں کورونا سے مرنے والوں کی تعداد 6 ہو گئی ہے۔

حکام نے مذکورہ شہری کی تجہیز و تکفین کورونا قواعد و ضوابط کے مطابق انجام دینے کی تلقین کی تھی کیونکہ اُس کا سیمپل لیا گیا تھا، جو آج پازیٹیو آگیا۔

بتا دیں ضلع میں اب تک کورونا سے 464 افرد متاثر ہوئے ہیں، جن میں سے 108 فعال ہیں۔ اس کے علاوہ 6 افراد کی موت واقع ہوئی ہے۔