بانڈی پورہ: مقامی افراد کو 9 برس سے فٹ برج کا انتظار

شمالی کشمیر کے ضلع بانڈی پورہ میں واقع شادی پورہ سوناواری علاقے میں 2013 میں اس وقت کی حکومت کی جانب سے فٹ برج کے کاموں کا سنگ بنیاد رکھا گیا تھا تاہم یہ فٹ برج آج تک تعمیر نہیں ہوا۔

بانڈی پورہ کے شادی پورہ سوناواری میں 2013 میں ایک فٹ برج کا سنگ بنیاد رکھا گیا تھا لیکن آج تک اس برج کی تعمیر کا کام مکمل نہیں ہوا ہے۔ اس کی وجہ سے مقامی لوگوں کو کافی مشکلات کا سامنا کرنا پڑ رہا ہے۔

فٹ برج کی عدم تعمیر کی وجہ سے لوگوں کو دریا پار کرنے میں کافی مشکلیں پیش آرہی ہیں۔ اس کے علاوہ دریا کے دونوں جانب تجارتی سرگرمیوں میں بھی برا اثر پڑا ہے اور دکانداروں کو نقصان ہو رہا ہے۔

بارش کے دوران دریا میں تیز بہاؤ کی وجہ سے لوگوں کے ڈوبنے کا خطرہ بھی لاحق رہتا ہے۔ وہیں، علاقے کے مریضوں کو بھی پریشانی کا سامنا کرنا پڑ رہا ہے۔

مقامی لوگوں نے انتظامیہ سے پل کی جلدازجلد تعمیر کا مطالبہ کیا ہے تاکہ دریا پار کرنے میں لوگوں کو آسانی ہوسکے۔ مقامی لوگوں نے بتایا کہ پل کی تعمیر سے دریا کے دونوں جانب علاقوں کو فائدہ ہوگا۔

واضح رہے کہ جس پل کا سنگ بنیاد 2013 میں اس وقت کی حکومت کی جانب سے رکھا گیا تھا تاہم 8 برس گزرنے کے باوجود ابھی تک پل کی تعمیر کا کام صرف 10 تا 20 فیصد ہی مکمل ہوا ہے۔ یہ کام بھی صرف شروعات میں ہی کیا گیا تھا۔