بانڈی پورہ کے حاجن میں سیلابی صورتحال

شمالی کشمیر کے ضلع بانڈی پورہ کے بنگر محلہ حاجن میں اندرونی سڑکوں پر جمع پانی اور کیچڑ کی وجہ سے لوگوں کو کافی دقتوں کا سامنا کرنا پڑ رہا ہے۔

مقامی لوگوں کے مطابق یہاں اندرونی سڑکوں کی حالت کافی زیادہ خراب ہے۔ کچھ سڑکیں ابھی بھی زیر آب ہیں اور کچھ پر کیچڑ جمع ہے۔ اس کی وجہ روزانہ کی بنیاد پر انہیں مشکلات کا سامنا کرنا پڑتا ہے۔

مقامی لوگوں کے مطابق حالیہ دنوں ہوئی بارشوں کی وجہ سے سڑکیں زیر آب ہیں اوراس وجہ سے آمد و رفت میں لوگوں کو کافی دشواریوں کا سامنا کرنا ہڑ رہا ہے- سڑک کے علاوہ یہاں مقیم کچھ گھروں کے صحن بھی پانی سے بھرے پڑے ہوئے ہیں اور اس سلسلے میں نکاسی آب کے لیے کوئی مناسب اقدامات نہیں کیے جا رہے ہیں-

مقامی لوگوں نے ای ٹی وی بھارت کو بتایا کہ سڑک کی تعمیر تو بار بار کی جاتی ہیں لیکن مناسب ڈرینینمج سسٹم کا نا ہونا اصل مشکل ہے جس کا سد باب کیا جانا چاہیے کیونکہ جب بھی بارشیں ہوتی ہیں یہاں کافی مقدار میں پانی جمع ہوجاتا ہے نتیجتاً لوگوں کو مشکلات سے دوچار ہونا پڑتا ہے-

مقامی لوگوں کا مطالبہ ہے کہ یہاں ڈرینیج کا مناسب انتظام کیا جانا چاہیے تاکہ مستقبل میں انہیں ایسے مشکلات سے دوچار نہیں ہونا پڑے-