بانڈی پورہ: جسمانی طور پر معذور افراد میں اشیائے ضروریہ تقسیم

ضلع ترقیاتی کمشنر بانڈی پورہ نے جمعہ کو جسمانی طور ناخیز افراد میں کئی اشیائے ضروریہ تقسیم کیں۔

محکمۂ سوشیل ویلفیئر بانڈی پورہ کی جانب سے ضلع کے اجر علاقے میں ایک کیمپ منعقد کیا گیا جس میں جسمانی طور پر 122 ناخیز افراد میں اشیائے ضروریہ تقسیم کی گئیں۔ کیمپ کا انعقاد محکمۂ سوشیل ویلفیئر نے این ایچ پی سی (NHPC) کے اشتراک سے عمل میں لایا۔

کیمپ کے دوران سوشل ویلفیئر کی جانب سے منتخب کیے گئے افراد میں ضلع ترقیاتی کمشنر بانڈی پورہ ڈاکٹر اویس احمد نے کئی اشیاء تقسیم کیں جن میں سو کے قریب آلات سماعت، 13ٹرائی سائیکل، 27 وہیل چیئر، 6 سی پی چیئر، 7 اسمارٹ کین اور دو اسمارٹ فون کے علاوہ بھی کئی اشیاء تقسیم کی گئیں۔

اس موقع پر ڈی سی بانڈی پورہ نے این ایچ پی سی اور محکمہ سوشل ویلفیئر کی سراہنا کی۔ کیمپ میں این ایچ پی سی کے جنرل منیجر اشیش کمار چوکسی، کشن گنگا پاور پروجیکٹ کے منیجر، ڈسٹرکٹ افسر سوشل ویلفیئر ڈیپارٹمنٹ سمیت دیگر کئی افسران موجود تھے۔