پرنسپل سکریٹری اسکل ڈیولپمنٹ ڈیپارٹمنٹ اصغر حسین سامون نے ضلع بانڈی پورہ کا دورہ کرکے ضلع میں ہو رہے کئی ترقیاتی کاموں کا جائزہ لیا۔
انہوں نے مرکنڈل- حاجن اور گامرو - گنڈ پورہ کی سڑکوں کی میگڑمائزیشن کا افتتاح کیا۔ اپنے دورے کے دوران انہوں نے پاپچن، بانڈی پورہ کے پل کا بھی افتتاح کیا۔ وہیں انہوں نے ضلع میں ہورہے مختلف ترقیاتی کاموں کا بھی جائزہ لیا۔
دورے کے دوران ان کے ہمراہ ڈی سی بانڈی پورہ ڈاکٹر اویس احمد کے علاوہ دیگر کئی اعلیٰ افسران بھی موجود تھے۔
مزید پڑھیں؛بانڈی پورہ: سڑک کی خستہ حالی سے عوام پریشان، جلد تعمیر کرانے کا مطالبہ
اصغر حسین سامون نے ایک روزگار میلے کا بھی افتتاح کیا جس کے دوران انہوں نے ملک کے مختلف حصوں میں امیدواروں کو نوکریاں فراہم کرنے پر کمپنیوں کی تعریف کرتے ہوئے ہنر مند امیدواروں کے لئے مقامی سطح پر ملازمتوں کے مواقع پیدا کرنے پر زور دیا۔