شمالی کشمیر کے بانڈی پورہ میں فوج نے دسویں جماعت کے امتحانات میں نمایاں کارکردگی کا مظاہرہ کرنے والے والے طلبا کو تہنیت پیش کی۔ آرمی گُڈ ول اسکول 13 راشٹریہ رائفلز کی جانب سے ایک تقریب منعقد کی گئی جس میں شاندار کامیابی حاصل کرنے والے طلبا کو انعامات و اسناد سے نوازا گیا۔
بانڈی پورہ: امتحانات میں نمایاں کامیابی حاصل کرنے والے طلبا کو فوج کی تہنیت تقریب میں سیکٹر 3 کے برگیڈیر کمانڈر مہیشور سنگھ نے مہمان خصوصی کی حیثیت سے شرکت کی۔ ان کے علاوہ لفٹننٹ کرنل ببربھان بھی تقریب میں موجود تھے۔ اس موقع پر برگیڈیر مہیشور سنگھ نے خطاب کرتے ہوئے کہا کہ ’طلبا کی نمایاں کارکردگی کے مظاہرے سے وہ کافی خوش ہیں، انہوں نے دسویں جماعت کے امتحانات میں شاندار کامیابی حاصل کرے والے طلبا کو مبارکباد دی اور انہیں مزید محنت کرتے ہوئے زندگی میں ترقی کرنے کی تلقین کی۔
