خصوصی رعایت پر سیب کا پودا تقسیم

شمالی کشمیر کے ضلع بانڈی پورہ کے سمبل میں محکمہ باغبانی نے عوام میں باغبانی کا شوق پیدا کرنے کی غرض سے خصوصی رعایت پر سیب کے پودے تقسیم کیے۔

محکمہ نے سمبل تحصیل میں اس سلسلے میں ایک تقریب کا اہتما کیا تھا اور باغبانی کے شعبے میں دلچسپی رکھنے والے لوگوں کو مدعو کیا گیا تھا جس کے بعد ان میں سیب کے پودے خصوصی رعایتوں پر تقسیم کئے گئے۔

علاقے کے کسانوں نے اس عمل کو کافی سراہا ہے۔ ان کا کہنا ہے کہ محکمہ نے جو پودے انہیں دلائے وہ ان کے لئے خریدنا مشکل تھے کیونکہ وہ کافی مہنگے ملتے ہیں۔

اس موقع پر سب ضلع سمبل کے سطح کے محکمہ باغبانی کے افسر شکیل الرحمان کے علاوہ میونسپل کمیٹی سمبل کے چیئرمین بھی موجود تھے۔ شکیل الرحمان نے بتایا کہ انہوں نے یہ قدم باغبانی کے شعبے میں دلچسپی پیدا کرنے کی غرض سے اٹھایا تاکہ مذید کسان باغبانی سے منسلک ہوں اور اسے اپنا وسیلہ روزگار بنائیں۔ ادھر کسانوں نے بھی محکمہ باغبانی کی اس کوشش کو کافی سراہا۔