تلیل میں طویل عرصے کے بعد فضائی خدمات شروع

تُلیل کے باشندے کافی عرصے سے سردیوں کے ایام میں وادی گریز کے لیے بانڈی پورہ سے فضائی خدمات شروع کرنے کا مطالبہ کر رہے تھے، جو آج پورا ہوا ہے۔

بانڈی پورہ سے تُلیل کے لئے فضائی خدمات شروع ہونے پر تُلیل کے لوگوں نے آج خوب جشن منایا۔ آج جوں ہی بانڈی پورہ سے پہلی پرواز بڈوگام تُلیل پہنچی تو لوگوں نے تُلیل کے بی ڈی سی چیئرمین اعجاز راجا کا شاندار استقبال کیا جبکہ علاقے کی خواتین نے شینا زبان میں روایتی گانے پیش کئے۔

تُلیل کے باشندے کافی عرصے سے سردیوں کے ایام میں وادی گریز کے لیے بانڈی پورہ سے فضائی خدمات شروع کرنے کا مطالبہ کر رہے تھے، جو آج پورا ہوا ہے۔

اس موقعے پر بی ڈی سی چیئرمین اعجاز راجا نے لوگوں کو خطاب کرتے ہوئے انہیں یقین دلایا کہ ان کے تمام مسائل ایک ایک کر کے حل کئے جائیں گے۔

واضح رہے کہ سردیوں کے موسم میں بھاری برف باری کے سبب اس علاقے سے پوری دنیا کا زمینی رابطہ چھ ماہ کے لیے منقطع ہو جاتا ہے۔ جس کی وجہ سے مقامی لوگوں کو کافی مشکلات کا سامنا کرنا پڑتا ہے۔