بانڈی پورہ کے سمبل میں سینٹائزیشن مہم

شمالی کشمیر کے ضلع بانڈی پورہ کے سمبل سوناواری میں گزشتہ روز کئی دکانداروں کا کورونا وائرس ٹیسٹ پازیٹیو پایا گیا، جس کے بعد پورے مارکیٹ میں ایک بار پھر تشویش کی لہر دوڑ گئی ہے-

تفصیلات کے مطابق سمبل میونسپل کارپوریشن نے اس سلسلے میں سمبل قصبہ کے اندر ایک سینٹائزیشن مہم شروع کی ہے جس کے تحت پورے مارکیٹ کو سینٹائز کیا جائے گا تاکہ کورونا وائرس کے مزید پھیلا پر قابو پایا جاسکے-

اس سے قبل بھی بانڈی پورہ ضلع کا سمبل علاقہ کورونا وائرس کے حوالے سے کافی حساس رہا ہے تاہم پچھلے ایک ماہ سے زائد عرصے کے دوران یہاں کورونا وائرس سے متاثرہ کیسز میں کمی آنے لگی تھی لیکن گزشتہ روز جب ضلع بانڈی پورہ میں قریب 20 کورونا وائرس کے کیسز سامنے آئے تو ایک بار پھر کووڈ 19 کو لیکر لوگوں میں تشویش پائی جارہی ہے-

پیر کو سمبل مارکیٹ میں کام کرنے والے کئی دکانداروں کے کورونا سے متعلق رپورٹ مثبت آئی، جس سے خدشہ ظاہر کیا جارہا ہے کہ وائرس قصبہ میں مزید پھیل سکتا ہے-

اس پر قابو پانے کے لیے میونسپل کمیٹی سمبل نے چیئرمین جہانگیر احمد کی سربراہی میں سمبل مارکیٹ کا سینٹائزیشن ڈرائیو شروع کیا جس کے تحت دکانوں، دفتروں اور بینکوں کو سینٹائز کیا گیا اور اس ڈرائیو کے تحت پورے سمبل مارکیٹ کو سینٹائز کیا جائے گا-