ریلی کے دوران ایک نکڑ پر ڈی وائی ایف آئی کے ریاستی سکریٹری نبارون دیب نے خطاب کرتے ہوئے بی جے پی-آئی پی ایف ٹی حکومت پر تنقید کی اور کہا کہ گذشتہ 43 ماہ سے مخلوط حکومت نے ریاست میں صرف دہشت گردی کو ہوا دی ہے۔ ریاست میں نہ کوئی کام ہے، نہ کھانا ہے اور نہ ہی جمہوریت ہے۔
انہوں نے کہا کہ ریاست میں جمہوریت کی بحالی اور عوام کےلیے خوراک اور روزگار کی فراہمی کا مطالبہ کرتے ہوئے ریلی نکالی گئی۔ انہوں نے آئندہ انتخابات میں بائیں محاذ کے امیدواروں کو کامیاب بنانے کا مطالبہ کیا۔
نبارون دیب نے کہا کہ ریاستی حکومت نے پوری ریاست میں دہشت کا ماحول بنا رکھا ہے۔ یہ حکومت عوام کو کچھ دینے کے قابل نہیں ہے۔ حکومت نے جو وعدے کیے تھے انہیں پورا نہیں کیا جارہا ہے۔ انہوں نے دعویٰ کیا کہ اگر ریاست میں انتخابات پرامن طور پر منعقد ہوں گے تو بی جے پی کو ایک بھی نشست پر کامیابی نہیں ملے گی۔
یہ بھی پڑھیں: ڈی وائی ایف آئی کارکن کی موت کے خلاف تھانہ گھیراؤ مہم
ڈی وائی ایف آئی کے صدر پلاش بھومک نے کہا کہ 2018 میں تریپورہ کے عوام نے مختلف فوائد کے حصول کےلیے بی جے پی کو حکومت سونپی تھی لیکن گزشتہ 44 مہینوں میں بی جے پی حکومت نے ریاست تریپورہ کے متعدد مسائل کو حل کرنے میں ناکام رہی ہے۔ یہاں بے روزگاروں کے پاس کوئی روزگار نہیں ہے۔ پوری ریاست میں جنگل راج ہے۔ پٹرول اور ڈیزل کی قیمتوں میں لگاتار اضافہ ہو رہا ہے، وہیں روزمرہ کی اشیائے ضروریہ کی قیمتوں میں بھی بے تحاشہ اضافے کا سلسلہ جاری ہے۔