سیلاب سے جنگلی جانورں کی حفاظت کا منصوبہ

ریاست آسام کے قاضی رنگا نیشنل پارک میں سیلاب سے جنگلی جانوروں کی حفاظت کے لیے اونچے مقامات کی تعداد میں اضافہ کیا جائے گا جہاں وہ سیلاب کے وقت پناہ لے سکیں گے۔

مرکزی وزیر پرکاش جاؤڈیکر نے کہا کہ 'جانوروں کو سیلاب کے پانی سے بچانے کے لیے نیشنل پارک کے اندر بلند مقامات کی تعداد میں اضافہ کیا جائے گا۔ بھاری گاڑیوں کی زد میں آنے سے جنگلی جانوروں کے مرنے کے واقعات کو روکنے کے لیے گاڑیوں کے ڈرائیوروں کے لیے مناسب اشارے لگانے کی بھی ہدایات کی گئی ہیں۔'

سیلاب سے جنگلی حیات کو بچانے کے لیے قاضی رنگا پارک میں بنیں گے بلند مقام

اس میٹنگ میں ماحولیات، جنگلات اور آب و ہوا کی تبدیلی کے ریاستی وزیر بابل سپریو اور آسام کے وزیر جنگلات کے ساتھ ہی مرکز اور ریاست کی وزارتوں اور محکمہ جنگلات کے کئی سینئر افسران شامل تھے۔

کل 430 مربع کلو میٹر پر محیج نیشنل پارک سے برہمپتر ندی ہو کر گزرتی ہے۔ مانسون کے وقت ہر برس اس میں سیلاب آتا ہے جس سے یہاں رہنے والے جانوروں کو کافی پریشانی کا سامنا کرنا پڑتا ہے۔