کازیرنگا نیشنل پارک میں انسداد پولنگ مہم کو مستحکم کرنے کے لئے آسام کے وزیر اعلی سربانند سونووال نے اس سے ملحقہ پانچ اضلاع کی انتظامیہ کو ہدایت جاری کی ہے۔
اس ہدایت میں ان باتوں پر زور دیا گیا ہے:
آسام کے وزیر اعلی سربانند سونووال نے کازیرنگا نیشنل پارک (کے این پی) سے متصل پانچ اضلاع کی انتظامیہ کو ہدایت کی ہے کہ 'وہ جنگلی حیات کے غیر قانونی شکار سے تحفظ کو یقینی بنائے اور سیلاب کے دوران جانوروں کو مناسب امداد فراہم کرے'۔
کورونا وائرس سے متاثر ملک بھر میں لاک ڈاؤن کے دوران سیاحت کے شعبے کو درپیش مسائل پر غور کرتے ہوئے سونووال نے عہدیداروں سے بھی کہا کہ 'وہ یونیسکو کے ذریعہ عالمی ثقافتی ورثہ کے طور پر قرار پائے جانے والے کازیرنگا نیشنل پارک میں سیاحت کی بحالی کے لئے ایک منصوبہ تیار کریں'۔
وزیر اعلی نے کہا کہ ضلع گولاگھاٹ کے کازیرنگا میں منعقدہ ایک میٹنگ میں آئندہ مون سون سیزن کے دوران وائلڈ لائف پروٹیکشن سے متعلق گولاہٹ، ناگون، سونت پور، بسواناتھ اور کربی اینگلونگ اضلاع کی تیاری کا جائزہ لیا گیا ہے۔
