شہریت ترمیمی بل: طلبا نے خون سے لکھ کر ناراضگی ظاہر کی

گوہاٹی یونیورسٹی کے طلبا نے شہریت ترمیمی بل کے خلاف احتجاج کرتے ہوئے اپنے خون سے لکھا کہ 'وہ اس بل کی مخالفت کرتے ہیں۔'

مرکزی وزیر داخلہ امت شاہ کے ذریعے پارلیمنٹ میں مجوزہ شہریت ترمیمی بل پیش کیا گیا۔

اس بل کے خلاف گزشتہ کئی روز سے ریاست آسام میں زبردست احتجاج کیا جا رہا ہے اور جگہ جگہ پر ریلیز نکالی جا رہی ہیں۔

گوہاٹی یونیورسٹی کے طلبا نے ریاستی وزیر اعلیٰ سربانندا سونووال پر سخت نکتہ چینی کرتے ہوئے شہریت ترمیمی بل کے خلاف احتجاج کیا اور اس کے خلاف اپنے خون سے پوسٹرز پر پیغامات لکھے۔

اس احتجاج میں گلوکار دکشو، اچریا بارپترا، اداکار روی شرما سمیت دیگر کئی معروف شخصیات نے شرکت کی۔