اس مرتبہ بھی وشنو پور پوجا کمیٹی انتہائی منفرد انداز اور سماجی پیغام دینے والا تھیم پنڈال بنا رہی ہے
پوجا کمیٹی کے صدر ارون ملک اور سکریٹری نارائن مالاكار نے بتایا ہے کہ اس مرتبہ ہمارا پنڈال ایکو فرینڈلی ہے جس کا بجٹ تقریباً پچیس لاکھ روپے ہے جبکہ بارہ لاکھ روپے صرف پنڈال کی تعمیر پر خرچ کیا جا رہا ہے۔
پوجا پنڈال گنگا-جمنی تہذیب کی عمدہ مثال، ویڈیو درگا پوجا پنڈال خاص طور پر بچوں کی توجہ کا مرکز بنے گا کیونکہ اس کی تھیم ہالی وڈ فلم اوتار کے کچھ مناظر کی جھلک دیکھنے کو ملے گی مثلاً، فلوٹنگ پہاڑ (لٹکتا ہوا پہاڑ) کے علاوہ فلم میں دکھائے گئے درخت، پودے، انسان، جانور کو بھی پنڈال کے اندر اور باہر دکھایا جائے گا۔
انہوں نے بتایا ہے کہ گزشتہ برس طرح اس بار بھی پوجا کا پنڈال منفرد ہے، گزشتہ برس ہم لوگوں نے باہوبالی فلم کے تھیم پر درگا پوجا پنڈال تعمیر کیا تھا وہ بھی ایکو فرینڈلی تھا۔
کمیٹی کے دونوں عہدیداروں نے کہا کہ تمام پوجا کمیٹیوں کو اس طرح کے پنڈال کی تعمیر ضروری ہے جس سے ماحول کو کوئی نقصان نہ ہو۔
پنڈال کی تعمیر آسام کے مشہور کاریگر نورالدين احمد کر رہے ہیں۔
اس سلسلے میں نورالدین احمد نے کہا کہ میں سنہ 1975 سے گوہاٹی اور اس کے آس پاس کے علاقوں میں پوجا کمیٹی کی جانب سے بنائے جانے والے درگا پنڈالوں کی تعمیر کر رہے ہیں۔
انہوں نے کہا کہ وشنو پور کمیٹی نے اس مرتبہ ایکو فرینڈلی پنڈال بنایا ہےجس میں چٹائی، پیرس جوٹ کی بوری، پیرس بانس وغیرہ کا استعمال کیا گیا ہے، اس کام میں 40 مزدور مصروف ہے اور تمام مزدور مقامی ہیں اور ابھی تک جتنا بھی بھی کام ہوا ہے اس میں 30 دن کا وقفہ لگا ہے جبکہ بقیہ کام مکمل ہونے میں مزید ایک ہفتے کا وقت درکار ہے۔
نورالدین احمد میں وشنو پور میں ہی پوجا کمیٹی کے لیے 110 فٹ کی بانس سے بنی درگا کی مورتی تعمیر کی تھی جو لمکا بک آف ریکارڈ میں درج ہو چکی ہے۔
