ہسپتال میں بجلی کے کٹ جانے سے بچے کی موت

آسام کے ضلع ڈبروگڑھ کے میڈیکل کالج اور اسپتال میں اتوار کی رات ایک نومولود بچہ کی اس وقت موت ہوگئی جب اسپتال کے نیونیٹل انٹنسیو کیئر یونٹ (آئی سی یو) میں بجلی چلی گئی۔

بتایا جارہا ہے کہ ہسپتال انتظامیہ نے بجلی اس لیے کٹ کر دی کیونکہ مذکوہ یونٹ میں آگ بھڑک اٹھی تھی۔

مقامی لوگوں کا کہنا ہے کہ اسپتال کے حکام نے آگ کے پھیلاؤ کو روکنے کے لئے بجلی کٹ کر دی۔ تین روزہ بچے کی جان بچانے کی کوشش میں کئی افراد زخمی ہوئے ۔

بتایا جارہا ہے کہ مذکورہ نوزائیدہ آئی سی یو میں وینٹیلیشن سپورٹ پر تھا، آکسیجن کی کمی کی وجہ سے اس کی موت ہوگئی۔

5 نومبر کو بچی کی پیدائش ہوئی تھی اور کچھ پیچیدگیوں کی وجہ سے اسے وینٹیلیشن پر ڈال دیا گیا تھا۔ تاہم اسپتال کے حکام نے اس واقعے کے بارے میں کوئی تبصرہ کرنے سے انکار کر دیا ہے۔