آسام: سینکڑوں عسکریت پسندوں کی اجتماعی خودسپردگی

آٹھ عسکریت پسند تنظیموں سے تعلق رکھنے والے 644 کارکنان نے گوہاٹی میں منعقد تقریب میں وزیراعلی سربانند سونوال کی موجودگی میں قومی دھارے میں شامل ہونے کے لیے ہتھیار ڈالے۔

ریاست آسام کے شہر گوہاٹی میں منعقد ایک تقریب میں بڑی تعداد میں عسکریت پسندوں نے خودسپردگی کی ہے۔ یہ حالیہ دنوں میں ہونے والی سب سے بڑی خودسپردگی کہی جا رہی ہے۔ شدت پسند تنظیموں کو خیرباد کہنے والے افراد کی تعداد میں روز افزوں کا اضافہ ہورہا ہے۔

خودسپردگی کرنے والے کارکنان کا تعلق یونائیٹڈ لبریشن فرنٹ آف آسام (آزاد)، نیشنل ڈیموکریٹک فرنٹ آف بوڈولینڈ (این ڈی ایف بی)، راوا نیشنل لبریشن فرنٹ (آر این ایل ایف)، کامتا پور لبریشن آرگنائزیشن (کے ایل او)، کمیونسٹ پارٹی آف انڈیا(ماؤ نواز)، نیشنل لبریشن فرنٹ آف بنگال، نیشنل سانتھل لبریشن آرمی (این ایس ایل اے) اور ادیواسی ڈریگن فائٹر (اے ڈی ایف) سے ہے۔

گوہاٹی میڈیکل کالج ہسپتال آڈیٹوریم میں منعقد تقریب میں اس تقریب میں آسام کے وزیراعلی سربانند سونوال کے علاوہ سینیئر پولیس افسران اور فوجی افسران موجود تھے۔

اس موقع پر خطاب کرتے ہوئے وزیراعلی سروبانند سونوال نے کہا کہ خودسپردگی کرنے والے عسکریت پسندوں کی حکومت معیار کے مطابق ری ہیب کیمپ میں رکھا جائے گا۔

خودسپردگی کرنے والے کارکنان نے بڑی تعداد میں ہتھیار (1686 گولہ بارود)، جس میں 1.93 کلوگرام دھماکہ خیز مواد، 52 دستی بم، 71 بم، 3 راکٹ لانچر سیل، 58 میگزین اس کے علاوہ 306 ڈیٹونیٹر جن میں اسلحہ اور گولہ بارود کی ایک بڑی مقدار ہے۔