آسام کے بارپیٹا حلقہ سے کانگریس پارٹی کے لوک سبھا کے رکن عبدالخالق کا کہنا ہے کہ مغل حکمرانوں نے بھارت کو ایک روڈ میپ دیا اور یہاں تک کہ اس کا نام 'ہندوستان' رکھا، انہوں نے مزید کہا کہ انہیں مغلوں پر فخر ہے، انہوں نے کہا کہ مغلوں کے تذکرہ کے بغیر بھارت کی تاریخ ناقص ہے۔
آسام کے وزیر اعلیٰ ہمانتا بسوا سرما پر طنز کرتے ہوئے انہوں نے کہا کہ ہمارے وزیر اعلیٰ کو مغلوں سے الرجی ہے، رکن پارلیمان نے کہا کہ مغل دور سے دہلی ہندوستان کی دار الحکومت رہی ہے۔
India's Independence struggle would have been incomplete without Mughals
انہوں نے مز یدکہا کہ مغلوں نے ہندوستان میں لال قلعہ، اور تاج محل جیسی یادگاریں اور تاریخی عمارتیں تعمیر کی تھیں، اور اس لیے ملک کی تاریخ میں ان کی اہمیت کو نظر انداز نہیں کیا جا سکتا، رکن پارلیمان کا یہ تبصرہ ایسے وقت میں سامنے آیا جب آسام کے وزیر اعلی ہمانتا بسوا سرما نے دہلی کے وزیر اعلی اروند کیجریوال پر تنقید کرتے ہوئے کہا تھا کہ دہلی کو تباہ کر دیا گیا ہے، جو مغل دور سے دارالحکومت ہے۔
مزید پڑھیں:History of Mughal Rulers in CBSC Syllabus: سی بی ایس سی نصاب سے مغل حکمرانوں کی تاریخ مسخ کرنے کی سازش، جمعیۃ علماء ہند مدھیہ پردیش کی مذمت
انہوں نے مزیدکہا کہ ملک کا ہر وزیر اعظم یوم آزادی کے موقع پر لال قلعہ کی فصیل پر قومی پرچم لہراتا ہے، اگر مغلوں سے اتنی ہی نفرت ہے تو لال قلعہ پر ترنگا لہرانا چھوڑ دیں۔
