سول ایوی ایشن ڈائریکٹوریٹ کی طرف سے جاری آرڈر میں کہا گیا ہے کہ 'پائلٹ بھانو جوہری ہیلی کاپٹر اتارنے سے پہلے لینڈنگ گیئر کو نیچے رکھنے کے لیے یقینی بنانے میں ناکام رہے۔ اس طرح انہوں نے ہیلی کاپٹر اور اس میں سوار دو لوگوں کی سلامتی کے ساتھ سمجھوتہ کیا'۔
آرڈر میں کہاگیا ہے کہ کیپٹن جوہری کا لائسنس 24جولائی سے تین ماہ کے لئے معطل کیا گیا ہے۔
مزید پڑھیں : ”مودی حکومت کے سو دن سیاہ قانون مسلط کرنے کے لیے یاد کیے جائیں گے”
واضح رہے کہ یہ ہیلی کاپٹر پون ہنس کا تھا۔ حادثے میں ہیلی کاپٹر کو نقصان پہنچا تھا۔ جس وقت حادثہ ہوا اس وقت کیپٹن جوہری کیساتھ فرسٹ آفیسر کیپٹن بھارت گپتا تھے۔ یہ ایک تربیتی پرواز تھا۔
گوہاٹی کے رن وے نمبر 2 پراترنے سے پہلے پائلٹ ٹیم کے افراد نے لینڈنگ چیک لسٹ کا عمل مکمل نہیں کیا اور لینڈنگ گیئر نیچے نہیں کیے گئے تھے۔ اس وجہ سے ہیلی کاپٹر کا نچلا حصہ رن وے کی سطح سے ٹکرا گیا اور ہیلی کاپٹر کو نقصان پہنچا۔
