آسام : سیلاب کی صورتحال سنگین، مزید چار ہلاک

آسام میں سیلاب کی وجہ سے یلاک ہونے والے افراد کی تعداد بڑھ کر 93 ہو گئی ہے۔ ریاست میں سیلاب سے 28 لاکھ 32 ہزار 410 افراد متاثر ہوئے ہیں۔

ریاست آسام میں شدید بارش کے باعث سیلاب کی صورتحال اور سنگین ہوتی جا رہی ہے۔ ریاست میں سیلاب کی وجہ سے جمعرات کے روز مزید چار افراد کے ہلاک ہونے کی خبر ہے۔ اسی کے ساتھ ہی سیلاب کی وجہ سے ہلاک ہونے والے افراد کی تعداد بڑھ کر 93 ہو گئی ہے۔ وہیں 26 اضلاع میں سیلاب کا پانی داخل ہوگیا ہے۔

ریاست میں سیلاب سے 28 لاکھ 32 ہزار 410 افراد متاثر ہوئے، جن میں ددھیا گاؤں سب سے زیادہ متاثر ہے۔

سیلاب کو لے کر ڈسٹرکٹ کمیشنر پلو گوپال جھا نے کہا ہے کہ 'اس برس ہمارا ضلع اب تک چار بار سیلاب سے متاثر ہو چکا ہے۔ ساتھ ہی سیلاب میں سات افراد اپنی جان گنوا چکے ہیں۔

ریاست کے 3218 گاؤں میں سیلاب کا پانی داخل ہوچکا ہے جہاں کے لوگوں کو بالائی علاقوں میں منتقل کیا گیا ہے۔

واضح رہے کہ 'برہمپترا ندی میں طغیانی جاری ہے اور یہ خطرے کے نشان سے اوپر بہہ رہی ہے۔'