گوہاٹی : کرفیو میں ڈھیل

آسام کے شہر گوہاٹی میں کرفیو میں ڈھیل دی گئی ہے، شہریت ترمیمی ایکٹ کے خلاف ہورہے مظاہروں میں اب تک 2 لوگ ہلاک ہوئے ہیں۔

آسام کے شہر گوہاٹی میں صبح 9 بجے سے لے کر شام 4 بجے تک کرفیو ہٹادیا گیا ہے، پارلیمنٹ میں شہریت ترمیمی بل کو منظوری دینے کے بعد آسام اور سبھی شمال مشرقی ریاستوں میں ہڑتال اور پر تشدد مظاہرے جا ری ہیں۔

اس سے پہلے انتظامیہ نے دلبروگھا مونسیپل ایریا میں غیر موعینہ کرفیو نافذ کیا تھا، جس کے بعد گزرے کل 5 گھنٹے کے لیے کرفیو میں ڈھیل دی گئی تھی۔ اس دوران 'آسو' یونین نے پرزور مظاہرے بھی کیے تھے۔

آسام میں شہریت ترمیمی بل کے خلاف ہو رہے مظاہروں میں اب تک 2 لوگوں کی موت ہو گئی ہے اور سینکڑون زخمی ہوئے ہیں۔

اس دوران آسام میں سیکیورٹی فورسز لگاتار شہری علاقوں میں مارچ کر رہی ہیں۔

شہریت ترمیمی بل کے تحت ان سبھی گھسپیٹیوں کو بھارت میں شہریت دی جائے گی جو ہندو، سکھ، پارسی اور جین مزہب سے تعلق رکھتے ہیں، اور پاکستان، بنگلہ دیش اور افغاانستان کے رہنے والے ہیں۔