آسام میں انتخابی مہم کا آغاز کریں گے رام مادھو

آسام میں آئندہ سال اسمبلی انتخابات کے پیش نظر بھارتیہ جنتا پارٹی کے جنرل سیکریٹری رام مادھو جمعہ کو یہاں 100 دنوں کی انتخابی مہم کی باضابطہ شروعات کریں گے۔

مادھو ریاستی یونٹ کی نوتشکیل شدہ ایگزیکٹو کی میٹنگ میں شامل ہوں گے اور انتخابی مہم کے منصوبے کے مفصل خاکہ سے آگاہ کریں گے۔

مرکزی وزیراسمرتی ایرانی اور پارٹی کے سینئر لیڈر بی ایل سنتوش بھی ویڈیو کانفرنسنگ کے ذریعہ میٹنگ میں شامل ہوں گے۔

ذرائع کے مطابق اسکیم کے تحت اگلے 100 دن پوری ریاست میں چھ ہزار اسٹرانگ روم قائم کئے جائیں گے اور اسمبلی وار ووٹرز کے اندازے کے بعد ایک بی جے پی کارکن کو 80 ووٹرز سے رابطہ کی ذمہ داری دی جائے گی۔

پارٹی کارکن ایک مخصوص اسمبلی حلقہ میں ممکنہ امیدواروں کے بارے میں فیڈ بیک دیں گے اور اس کی بنیاد پر اہل امیدار کو ٹکٹ تقسیم کیا جائے گا۔