آسام: احتجاج کے دوران طالب علم زخمی

ریاست آسام کے موری گاؤں ضلع میں شہریت ترمیمی بل کے خلاف احتجاج کے دوران ایک طالب علم جل گیا تاہم اس کے ساتھیوں کی بر وقت مدد سے اسے بچالیا گیا۔

وزیرداخلہ امت شاہ کے ذریعے پارلیمنٹ میں شہریت ترمیمی بل پیش کئے جانے پر ملک کے متعدد حصوں میں مسلسل احتجاج جاری ہے اس دوران آسام میں بھی بھائیروب ڈیکا نامی طالب علم آگ کی لپیٹ میں آ گیا۔

احتجاج میں طلباء وزیراعظم نریندر مودی، مرکزی وزیر داخلہ امت شاہ اور آسام کے وزیراعلی سربانندا سونوال کا پتلا جلا رہے تھے اسی دوران ایک طالب علم آگ کی لپیٹ میں آگیا تا ہم اس کے ساتھیوں نے فوری طور پر آگ بجھا کر اس کی جان بچائی۔