اروناچل پردیش میں کورونا کے تیسرے معاملے کی شناخت

کورونا وائرس سے متاثر ایک اور شخص کی شناخت کے ساتھ ہی ریاست اروناچل پردیش میں متاثرین کی تعداد اب تین ہوگئی ہے۔

ریاست میں کورونا وائرس سے متاثر ایک اور شخص کی شناخت ہوئی ہے، جب کہ دو افراد صحت مند ہوچکے ہیں۔

ریاست کے ہیلتھ سکریٹری پی پرتیبن کا کہنا ہے کہ چنئی سے آنے والے شخص کی بدھ کے روز کورونا جانچ کی گئی جس میں وہ پازیٹیو پایا گیا۔

انہوں نے بتایا کہ یہ شخص قرنطینہ مرکز میں تھا لیکن پازیٹیو پائے جانے کے بعد اسے کووڈ کیئر سینٹر میں منتقل کردیا گیا۔

اس دوران ریاست کےوزیراعلی پیما کھانڈونے سوشل میڈیا پر لکھا ’’ایک اور شخص بدھ کی رات کورونا پازیٹیو پایا گیا۔ مریض کو قرنطینہ مرکز سے کووڈ۔ 19 کیئر سینٹڑمیں منتقل کردیا گیا ہے‘‘۔