Army Soldier Killed in Manipur منی پور میں فوجی جوان کا اغوا کے بعد قتل

منی پور میں ایک روز قبل اغوا کیے گئے فوجی جوان کی لاش برآمد ہوئی ہے۔ چھٹیوں میں گھر آنے والے فوجی جوان کو نامعلوم افراد نے 16 ستمبر ہفتہ کو صبح 10 بجے کے قریب اس کے گھر سے اغوا کر لیا تھا۔

نئی دہلی: منی پور میں چھٹی پر آنے والے ایک فوجی جوان سرتو تھانگتھنگ کوم کو نامعلوم افراد نے اس کے گھر سے اغوا کر کے قتل کر دیا۔ وہ منی پور کے لیماکھونگ ملٹری اسٹیشن میں تعینات تھا۔ ذرائع کے مطابق اتوار کو منی پور کے امپھال مشرقی ضلع کے کھننگتھیک گاؤں میں فوج کے ایک سپاہی کی لاش برآمد ہوئی۔ جس کی شناخت کانگ پوکپی ضلع کے لیماکھونگ میں فوج کی ڈیفنس سیکیورٹی کور (DSC) پلاٹون کے سپاہی سرتو تھانگتھنگ کوم کے طور پر ہوئی ہے۔ حکام نے بتایا کہ اس کا تعلق امپھال ویسٹ کے ترونگ سے تھا۔

حکام کے مطابق فوجی سرتو کو صبح 10 بجے کے قریب ان کے گھر سے اغوا کیا گیا۔ ان کے 10 سالہ بیٹے کے مطابق جو اس پورے واقعہ کا واحد عینی شاہد بھی ہے، اس نے بتایا کہ اچانک تین آدمی ان کے گھر میں داخل ہوئے جب اس کے والد اور وہ گھر کے صحن میں کام کر رہے تھے۔ اچانک انہوں نے اس کے والد کے سر پر پستول تان کر اسے زبردستی سفید رنگ کی کار میں بٹھایا اور اپنے ساتھ لے کر چلے گئے۔

حکام نے اس کے بیٹے کے حوالے سے بتای کہ اتوار کی صبح تک فوجی کی کوئی خبر نہیں تھی۔ اتوار کی صبح تقریباً 9.30 بجے ان کی لاش امپھال ایسٹ میں سوگولمنگ پولیس اسٹیشن کے تحت مونگجام کے مشرق میں کھوننگتھیک گاؤں سے برآمد ہوئی۔ جس کی شناخت اس کے بھائی اور بہنوئی نے کی ہے۔ جنہوں نے کہا کہ سپاہی کے سر پر ایک گولی کا زخم تھا۔ جبکہ مقامی پولیس پوسٹ مارٹم رپورٹ کا انتظار کر رہی ہے۔

فوج سے موصولہ اطلاعات کے مطابق بہادر سپاہی نے پسماندگان میں اہلیہ، ایک بیٹی اور ایک بیٹا ہے۔ اہل خانہ کی خواہش کے مطابق آخری رسومات ادا کی جائیں گی، حکام نے بتایا کہ فوج نے سوگوار خاندان کی ہر ممکن مدد کے لیے ایک ٹیم روانہ کی ہے۔ فوج نے ایک بیان جاری کرتے ہوئے کہا ہے کہ وہ اس قتل کی شدید مذمت کرتی ہے اور اس مشکل وقت میں ان کے اہل خانہ کے ساتھ کھڑی ہے۔