'جماعت سے لوٹے سبھی افراد اپنی صحت کی جانچ کرائیں'

آل انڈیا یونائیٹڈ ڈیموکریٹک فرنٹ (اے آئی یو ڈی ایف) کے صدر اور رکن پارلیمان مولانا بدرالدین اجمل نے کہا کہ کچھ غلط فہمیوں کی بنیاد پر پورے ملک کا سب سے بڑا مسئلہ کورونا کا مرض بن گیا ہے۔

اے آئی یو ڈی ایف کے صدر اور رکن پارلیمان مولانا بدرالدین اجمل نے تبلیغی جماعت میں شامل ہونے کے بعد اپنے گھر واپس آنے والوں سے درخواست کی ہے کہ وہ پولیس سے خوفزدہ نہ ہوں۔ اپنے گھر سے نکل کر اپنی صحت کی جانچ کرانے کے لیے آگے آئیں۔ گھر جانے سے پہلے اپنی صحت کی جانچ کروائیں۔ آپ نے کوئی غلطی نہیں کی ہے۔ اس کے لیے کوئی آپ کو گرفتار نہیں کرے گا۔

انہوں نے تبلیغی جماعت کے عوام سے اپیل کی ہے اور کہا کہ یہ ایک بہت ہی خطرناک بیماری ہے۔ آپ سب اللہ کے لیے اپنی صحت کی جانچ کرائیں۔ آپ نے نہ تو کوئی ڈکیتی یا چوری کی ہے۔ آپ نے کوئی جرم نہیں کیا ہے۔ ایک واقعہ ہونا تھا جو ہو گیا۔ دوسری بار غلطی نہ کریں۔

تبلیغی جماعت سے آئے لوگ اپنے آس پاس کے ذمہ دار لوگوں سے رابطہ کریں۔ خود ہسپتال جائیں۔ اپنے آپ کو، اپنے بچوں کو، اپنے پڑوسیوں اور کنبہ کو اس خطرناک بیماری سے بچائیں۔