آسام میں کورونا وائرس کے 314 نئے معاملے

شمال مشرقی ریاست آسام میں کورونا وائرس پھیلنے کے معاملوں میں اضافہ ہورہا ہے جہاں گزشتہ 24 گھنٹے کے دوران کورونا وائرس سے متاثر ہونے کے 314 نئے معاملے رپورٹ کیے گئے ہیں۔

گزشتہ چار دنوں کے اندر یہ دوسرا موقع ہے جب ریاست میں ایک ہی دن میں کورونا وائرس کے 300 سے زیادہ نئے معاملوں کی تصدیق ہوئی ہے۔

جمعرات کے روز وزیر صحت ڈاکٹر ہمنت وشوا شرما نے بتایا کہ نئے معاملوں کو ملا کر ریاست میں متاثرہ افراد کی کل تعداد بڑھ کر 6370 ہوگئی ہے۔ اس کے علاوہ 3958 مریض ٹھیک ہوگئے ہیں جبکہ 9 لوگوں کی موت ہوئی ہے۔