نریندر مودی حکومت انسانیت نواز، چندرابابو نائیڈو کا دعویٰ

تلگودیشم کے سربراہ چندرابابو نائیڈو نے وزیراعظم نریندرمودی کو ایک مکتوب روانہ کرکے ان کی ستائش کی ہے۔

سابق وزیراعلیٰ چندرابابو نائیڈو نے کورونا وائرس کے خطرہ سے نمٹنے کےلیے مودی حکومت کی جانب سے کئے اقدامات کو انسانیت نواز قرار دیتے ہوئے مرکزی حکومت کی جانب سے غریب عوام کو راحت دینے کےلیے 1.7 لاکھ کروڑ روپئے کے امدادی پیکج کی ستائش کی۔

خط میں جنتا کرفیو کی بھی سراہنا کی گئی ہے۔

ڈی ٹی پی کے سربراہ نے خط میں مزید لکھا کہ ’کرونا وائرس سے نمٹنے کےلیے مودی کی زیرقیادت حکومت کی جانب سے کئے جارہے اقدامات ساری دنیا کےلیے مثال قائم ہوں گے اور ہم کورونا کے خطرے کا موثر جواب دیں گے‘‘۔