وویکانند ریڈی قتل معاملہ، ہائیکورٹ میں عرضی

آندھراپردیش کے سابق وزیر وویکانند ریڈی کے قتل کے معاملہ کی سی بی آئی جانچ کی خواہش کرتے ہوئے تلگودیشم کے رکن کونسل بی ٹیک روی کی جانب سے داخل کردہ عرضی کی سماعت آندھراپردیش ہائیکورٹ نے کی۔

عدالت نے اس قتل معاملہ کی جانچ کرنے والی خصوصی جانچ ٹیم کو ہدایت دی کہ وہ اس ماہ کی 23تاریخ تک اس سلسلہ میں رپورٹ پیش کرے۔
یہ رپورٹ مہربند لفافے میں عدالت اور حکومت کو پیش کی جائے۔اس معاملہ کی آئندہ سماعت عدالت نے3جنوری 2020تک ملتوی کردی گئی۔
واضح رہے کہ وویکانند ریڈی کا بڑی ہی بے دردی سے قتل کردیاگیا تھا۔وویکانند ریڈی،آندھراپردیش کے موجودہ وزیراعلی وائی ایس جگن موہن ریڈی کے چچا تھے۔