حیدرآباد میں پیش آئے سڑک حادثہ میں دو نوجوان ہلاک

شہر حیدرآباد میں پیش آئے سڑک حادثہ میں دو نوجوان ہلاک ہوگئے۔یہ حادثہ کل شب گچی باولی کے سیری لنگم پلی میں اُس وقت پیش آیا جب ان نوجوانوں کی اسپورٹس بائیک ڈیوائیڈر سے ٹکرا گئی۔

مہلوکین کی شناخت سدی پیٹ ضلع کے رہنے والے 26سالہ ریلوے ملازم جی سنتوش اور ان کے رشتہ کے بھائی گریجویشن کے طالب علم ضلع کریم نگر کے رہنے والے21سالہ اے ریحن کے طورپر کی گئی ہے۔

پولیس کے مطابق یہ دونوں سنتوش کے گاڑی میں نانک رام گوڑہ سے ڈی ایل ایف کی سمت جارہے تھے تاہم الکٹرک سب اسٹیشن کے قریب پہنچنے پر گاڑی چلانے والے نوجوان نے اس کا توازن کھودیا جس کے نتیجہ میں یہ گاڑی ڈیوائیڈر سے ٹکراگئی۔
حادثہ اتنا شدتھا کہ ریحن ہوا میں اڑ کر گرپڑااور شدید زخمی ہونے پر موقع پر ہی وہ ہلاک ہوگیا جبکہ سنتوش کو زخمی حالت میں اسپتال منتقل کیا گیا جہاں اس کو مردہ قراردیا گیا۔