دراصل آج صبح جیسے ہی ارکان کونسل راماکرشنا،اے رام موہن راو،بدھاناگاجگدیشور راو اپنی کاروں میں اسمبلی کے قریب پہنچے پولیس نے ان کی کاروں کو روک دیا۔
پولیس نے ان سے بحث کرتے ہوئے کہاکہ چونکہ ان کی کاروں پر ایم ایل سی کا اسٹیکر نہیں لگا ہے،اسی لئے ان کو کاروں کو اندر جانے کی اجازت نہیں دی جائے گی۔
اس موقع پران ارکان کونسل اور پولیس کے درمیان کافی دیر تک بحث وتکرار ہوئی اور بالاخر پولیس نے ان کو اندر جانے کی اجازت دے دی۔
دوسری طرف صدرنشین کونسل شریف محمد احمد نے تین دارالحکومتوں کے قیام کے بل پر مباحث کی اجازت دے دی۔یہ بل منگل کو کونسل میں پیش کیا گیا تھا۔
تلگودیشم نے صدرنشین کونسل سے مطالبہ کیا کہ اس بل کو سلکٹ کمیٹی کو بھیج دیا جائے۔